ஸ்ரீலங்காவில் அண்மையில் தற்கொலை செய்துகொண்ட பிரபல நடிகர் தசுன் நிஷான் தற்கொலை செய்துகொண்டமைக்கான காரணம் தற்பொழுது வெளியாகியுள்ளது.
இவர் உலகில் பலரின் வாழ்க்கையைப் பறித்த அதிபயங்கர விளையாட்டான ப்ளூவேல் விளையாட்டிற்கு அடிமையாகியுள்ளதாக அரச ஊடகம் ஒன்று தகவல் வெளியிட்டுள்ளது.
தசுன் மன ரீதியில் அதிகம் பாதிக்கப்பட்டிருந்ததாகவும் அதனாலேயே தற்கொலையினை நாடியுள்ளதாகவும் அந்த ஊடகம் குறிப்பிட்டுள்ளது.
இணையதளங்களில் தற்கொலை தொடர்பான காணொளிகளை அவர் அதிகம் பார்வையிட்டுள்ளமை கண்டறியப்பட்டுள்ளது. அதில் தற்கொலை செய்யும் முறை தற்கொலை செய்யும் இடம் என்பன குறித்து தசுனின் தேடல் அமைந்ததாக குறிப்பிடப்பட்டுள்ளது.
இதனால் அவர் தற்கொலைக்காக தன்னை சில காலமாகவே தயார்ப்படுத்தி வந்திருக்கிறார் என்பது நிரூபனமாகின்றது.
மேலும் மன ரீதியில் பாதிக்கப்பட்டிருந்த தசுன், மது பாவனைக்கு அடிமையாகியுள்ளதோடு தற்கொலைக்கு முதல் இறுதியாக தனது முக நூல் பக்கத்தில் மாறுபட்ட மன நிலையை வெளிப்படுத்தும் விதமாக பதிவிட்டிருந்தமை குறித்தும் அந்த ஊடகம் தகவல் வெளியிட்டுள்ளது.
Post a Comment